Meistaraflokkur karla tók þátt í Kjarnafæðismótinu í ár. Kjarnafæði kom inn sem styrktaraðili á Austurlandsmótið sem hóf göngu sína í fyrra.

Mótið var skipt í norður og austur riðil og við spiluðum í austur riðli.

Liðin í Kjarnafæði/Austur voru :

Leiknir.F/KFF

Höttur/Huginn

Höttur/Huginn 2

Sindri

Spiluð var tvöföld umferð, fyrri umferð var spiluð í desember og seinni í janúar.

Úrslit leikja var svona :

Fyrri umferð

Sindri – HH2 : 2-4

Sindri – HH 1 : 2-4

Sindri – Leiknir.F/KFF : 4-2

Seinni umferð

HH2 – Sindri : 1-5

HH – Sindri : 0-2

Leiknir.F/KFF – Sindri : 4-2

Við enduðum okkar riðil í öðru sæti með níu stig eftir að hafa tapað úrslitaleik á móti Leikni.F/KFF sem er nýtt sameiginlegt lið Leiknis F. og Fjarðabyggðar.

Mikil ánægja er með þetta mót og við náðum að spila á mörgum mjög ungum og efnilegum Sindrastrákum. Fimm 16. ára drengir fengu spilatíma en samtals ellefu drengir undir 19. ára spiluðu í þessu móti. Það sýnir að við höfum góðan efnivið sem er ekki langt undan og gaman að sjá að mikil vinna síðustu ára er við það að skila sér upp í meistaraflokk.

Svona mót er mjög mikilvægur undirbúningur fyrir komandi sumar. Oftast ber á því að liðin í kringum okkur í deildum hafa spilað mikið af leikjum á þessum tíma á meðan Sindri spilar ekki. Að ná þessum leikjum inn í okkar undirbúning gerir það að verkum að við höldum í keppinauta okkar hvað þetta varðar.

Framundan er næsta mót sem er C deild Lengjubikarsins sem hefst 19.febrúar. Liðin í okkar riðli eru:

Vængir Júpiters

Þróttur Reykjavík

Reynir Sandgerði

Ægir

Augnablik

Stelpurnar okkar munu einnig taka þátt í Lengjubikarnum í ár og þeirra fyrsti leikur er gegn Gróttu 6. mars næst komandi. Fleiri fréttir af mfl. kvenna mun svo koma hér inná síðuna á næstu dögum.

Áfram Sindri!!!