Vetrartímabilið klárt hjá knattspyrnudeild Sindra!
Knattspyrnudeild Sindra hefur ráðið þjálfara og sett upp stundatöflu fyrir vetrartímabilið. Stundataflan er birt með fyrirvara um breytingar, sérstaklega þegar nýr þjálfari kemur til starfa um miðjan nóvember.
Meistaraflokkur kvenna kláraði sitt tímabil í byrjun mánaðarins og endaði í 3. sæti deildarinnar. Veselin Chilingirov (Vesko) hefur verið ráðinn þjálfari meistaraflokks kvenna en hann kemur til okkar frá Leikni Reykjavík þar sem hann hefur unnið frábært starf með 2. og 3. flokk karla. Við bjóðum hann velkominn til Sindra en hann er væntanlegur til starfa um miðjan nóvember! Um leið þökkum við fráfarandi þjálfara, Alexandre Fernandez Massot, fyrir hans framlag til félagsins og óskum honum velfarnaðar í nýju starfi hjá Fram.
Jóna Benný og Vesko við undirritun
Eftir sem áður mun 3. flokkur kvenna æfa með meistaraflokki kvenna. Vesko tekur við þjálfun 3. flokks karla en þar til hann kemur verður Ólafur Jónssons með sameiginlegar æfingar fyrir 3. flokk karla og kvenna og meistaraflokk kvenna og verður Maté Poponja honum til aðstoðar. Vesko tekur einnig við 4. flokkum karla og kvenna en þar til hann kemur sér Róbert Marwin um æfingar hjá þessum flokkum.Kristófer Daði þjálfar 5.flokk karla og kvenna með aðstoð Einars Karls Árnasonar.Sigurborg Jóna mun síðan þjálfa okkar dýrmætustu leikmenn í 6. og 7. flokki með aðstoð upprennandi þjálfara, þeirra Ægis Þórs og Sessilíu Sólar
Allir aðalþjálfarar flokkanna eru með KSÍ þjálfaramenntun og aðrir eru á leið á námskeið.
Knattspyrnudeildin þakkar öllum fráfarandi þjálfurum deildarinnar fyrir góð störf og býður nýja þjálfara velkomna í hópinn!
Sindri til fyrirmyndar
Oft eru það litlu sigrarnir sem eru mikilvægari en úrslitin.
Íþróttastarf á sér margar hliðar og ein þeirra er hin margumtalaði Karakter. Hver er karakter liðsins, hver er karakter viðkomandi einstaklings og hvernig þróar íþróttafélagið karakter allra iðkenda sem stunda íþróttastarf í félaginu? Það hefur verið vaxandi umræða í samfélaginu um hvernig íþróttastarf mótar einstaklingin og því er mjög ánægjulegt að sjá þegar Sindri fær hrós fyrir að vera til fyrirmyndar.
Í síðasta leik sem Meistaraflokkur Sindra spilaði við Reyni Sandgerði voru úrslitin okkur ekki hagstæð en hvernig strákarnir tóku ósigrinum og sýndu flottan karakter með góðri umgengni eftir leikinn er til fyrirmyndar.
Hérna má sjá frétt sem birtist á Fótbolti.net um atburðinn
Alexandre og Benóný á KSÍ V
Alexandre Fernadez Massot, þjálfari 4. og 3. flokks karla og kvenna ásamt Benóný yfirþjálfara Yngri flokka í knattspyrnu hafa nú lokið fimmta stigi þjálfunarmenntunar frá KSÍ.
Námskeiðið bar yfirskriftina “Þjálfun afreksæsku og meistaraflokks” .
KSÍ V er eitt skref í áttina að UEFA A þjálfaragráðu sem er sú hæðsta sem möguleiki er að ná á Íslandi.
Tenging Sindra við þetta námskeið jókst þegar Óli Stefán steig í pontu og hélt sinn fyrirlestur um þjálfarateymi. Hvernig á að nýta fólkið í kringum sig til að lyfta félaginu á næsta stig.
Einnig var farið yfir:
-Næringu og fæðubótefni með Elísu Viðarsdóttur, landsliðskonu og næringafræðings
-Lyf og lyfjamisnotkun með Reyni Björnsyni, læknir landsliðsins
-Þjálfun markvarða með Guðmundi Hreiðarsyni, markmannþjálfara landsliðsins
-Uppbyggingu liðs með Krisjáni Guðmundsyni, þjálfara Stjörnunar í kvennaboltanum
-Þjálfaraforrit með Ásmundi Haraldsyni, aðstoðarþjálfara FH í karla boltanum og aðstoðarþjálfari kvennalandsliðsins
-Knattspyrnulögin og túlkun þeirra með Magnúsi Má Jónssyni, Dómarastjóra KSÍ
-Þjálfun með púlsklukkur með Kristjáni Ómari Björnsyni, þjálfara Hauka í karlaboltanum
-Mælingar í knattspyrnu með Janusi Guðlaugsyni, lektor við Menntavísindasvið Háskóla Íslands og fyrrverandi afreksmaður í knattspyrnu
-Hagnýt skjúkraþjálfun með Friðrik Ellert Jónssyni, Sjúkraþjálfara landsliðsins.
Jako kemur með haustlægðinni!
Á morgun Þriðjudaginn kemur Jako í heimsókn til okkar á Höfn og verður í Sundlaugarhúsinu milli 16.00 og 19.00.
Við hvetjum alla til að koma og nýta sér þessi frábæru tilboð.
Auðun Helgason nýr þjálfari Sindra
Auðun Helgason hefur verið ráðinn þjálfari Sindra í meistaraflokki karla en skrifað var undir samning þess efnis í dag, og er samningurinn til tveggja ára. Hinn nýráðni þjálfari og stjórn eru spennt fyrir komandi mánuðum og telur stjórn knattspyrnudeildar Sindra að stigið hafi verið skref í rétta átt að þeim markmiðum sem liðið stefnir að með ráðningu Auðuns.
Auðun skrifar undir saming
Auðun Helgason er ekki ókunnur þjálfun en hann var aðstoðarþjálfari Fram á síðasta ári eftir að Ríkharður Daðason tók við liðinu en áður hafði hann verið aðstoðarþjálfari hjá Selfyssingum 2011 og 2012. Einnig hefur Auðun leikið með liðum hér á landi sem og í Sviss, Belgíu og á Norðurlöndunum. Á síðasta tímabili spilaði Auðun sjö leiki fyrir Sindra.
Umf. Sindri býður Auðun velkominn til starfa.
Kristján Guðnason, formaður Sindra og Auðun Helgason, þjálfari Sindra
Lokahóf 2. flokks og meistaraflokka Sindra
Síðastliðinn laugardag fór fram lokahóf 2. flokks karla og meistaraflokka Sindra í knattspyrnu í Nýheimum. Boðið var upp á kökur og með því ásamt því að verðlaun voru veitt fyrir sumarið. Eftir verðlaunaafhendinguna flutti Óli Stefán yfirþjálfari nokkur þakkarorð en eins og flestir vita þá hefur ákveðið að stíga til hliðar sem þjálfari Sindra.
Veitt voru verðlaun og viðurkenningar í eftirfarandi flokkum:
2. flokkur karla
- Bestur: Þorlákur Helgi Pálmason
- Mestu framfarir: Felix Gíslason
- Mikilvægastur: Ívar Valgeirsson
Meistaraflokkur kvenna
- Best: Kristey Lilja Valgeirsdóttir
- Mikilvægust: Guðrún Kristín Stefánsdóttir
- Efnilegust: Ingibjörg Lúcía Ragnarsdóttir
- Mestu framfarir: Ingibjörg Valgeirsdóttir
Meistaflokkur karla
- Bestur: Hilmar Þór Kárason
- Mikilvægastur: Einar Smári Þorsteinsson
- Mestu framfarir: Mirza Hasecic
- Efnilegastur: Ingvi Þór Sigurðsson
Viðurkenningar
- 100 meistaraflokksleikir: Valdís Ósk Sigurðardóttir og Þorsteinn Roy Jóhannsson
- Fyrsti meistaraflokksleikur: Auðun Helgason, Tómas Leó Ásgeirsson, Rodrigo Mateo, Daniel Gomez, Kenan Turudija, Adisa Mesotovic, Patrycja Rutkowska, Urska Pavlec, Ólöf María Arnarsdóttir, Hildur Ósk Hansdóttir Christensen.
Myndir munu koma á myndasíðu deildarinnar innan tíðar.
Óli Stefán lætur af störfum sem þjálfari
Óli Stefán Flóventsson þjálfari mfl. karla og kvenna og yfirþjálfari yngri flokka hefur tilkynnt að hann muni láta af störfum sem þjálfari. Óli hafði áður tilkynnt að hann leggja skóna á hilluna en nú hefur hann einnig ákveðið að stíga til hliðar sem þjálfari. Óli Stefán hefur spilað og þjálfað hjá Sindra síðastliðin fimm ár og skilar af sér góðu búi. Yfirlýsing Óla má sjá hér fyrir neðan.
Sælir Sindramenn nær og fjær.
Ég tilkynnti stjórn knattspyrnudeildar Sindra í morgun að ég ætli ekki að halda áfram sem þjálfari Sindra.
Ég hef starfað hjá þessu magnaða félagi í fimm frábær ár og átt þátt í stórkostlegri uppbyggingu sem hefur átt sér stað þar sem margar hendur hafa lagst á eitt með það að leiðarljósi að bæta fótbolta og íþrótta umhverfið hér á Höfn.
Eftir stendur að Sindri er núna góður 2.deildar klúbbur með frábæra aðstöðu og mikla möguleika til að ná lengra á réttum forsendum.
Ég geng því frá borði mjög stoltur og ánægður og þakka öllu því mikla fagfólki sem ég hef starfað með fyrir frábæra tíma.
Áfram Sindri
Óli Stefán Flóventsson
Umf Sindri vill þakka Óla Stefáni fyrir góð störf í þágu félagsins og er honum óskað velgengni í því sem hann tekur sér fyrir hendur.
Stundskrá fyrir veturinn 2014 – 2015 komin í hús
Nú er búið að setja saman stundaskrá fyrir veturinn. Um er að ræða töflu fyrir íþróttahúsið á Höfn og í Nesjunum, sundlaugina og Báruna.
Hægt er að sjá mynd af tölfunni hér fyrir neðan en einnig er hægt að hlaða henni niður í pdf-skráarformi með því að smella hér – stundatafla2014-2015.
Nýir leikmenn Sindra – Steinar tekur skóna ofan af hillunni
Þann 15. júlí opnaði félagsskiptaglugginn í íslenska fótboltanum og þá er oft mikill hasar í boltaheiminum. Eftirvænting myndast hjá stuðningsmönnum um hvort nýir leikmenn komi eða núverandi fari. Stuðningsmenn Sindra eru þar enginn undantekning. Félagið hefur verið að vinna í að fá til sín leikmenn til að styrkja hópinn og er þá átt við bæði hjá konunum og körlunum.
Konunar hafa fengið styrkingu í leikmanninum Urska Pavlec. Pavlec kom reyndar í júní en vegna meiðsla og veikinda hefur hún lítið geta verið með eftir að hún kom til landsins en hún ætti að vera komin á fullt núna. Pavlec kemur frá Slóveníu og spilar alla jafna á miðjunni. Þetta er snöggur leikmaður sem á eflaust eftir að styrkja liðið og hjálpa stelpunum að finna fyrsta sigurinn.
Daniel Cintrano Gomez
Hjá körlunum hafa nýir leikmenn komið og aðrir prófað skipt um lið. Halldór Steinar Kristjánsson snýr aftur og tekur fram skóna á ný. Hann hefur reyndar verið að spila með Mánadrengjunum fyrrihluta sumar en hoppar nú upp um tvær deildir og fer á ný í rauða búninginn.
Karlarnir hafa einnig fengið styrk í sóknina en Daniel Cintrano Gomez hefur gengið til liðs við Sindra. Gomez kemur frá Spáni og er fæddur hið herrans ár 1988. Um er að ræða hávaxinn sóknarmann sem á vonandi eftir að raða inn mörkum fyrir liðið en hann hefur þegar skorað í leik með Sindra.
Einn leikmaður hefur yfirgefið Sindra en hann Þorlákur Helgi hefur gengið til liðs við Mána og mun hjálpa þeim í baráttunni í 4. deildinni.
Eins og allir vita er gott samstarf á milli Mána og Sindra og því aldrei að vita nema fleiri hrókeringar eigi eftir að eiga sér stað…..
Sigur í bikar
Sindri vann í gær Huginn 4-3 eftir framlengdan leik. Sindri komst snemma leiks yfir með marki frá Hilmari Þór Kárasyni og þannig stóð leikar í hálfleik.
Seyðfirðingar byrjuðu mun betur í síðari hálfleik og skoruð þrjú mörk með skömmu millibili. Eldin Ceho minnkaði munin í 2-3 þegar um 10 mín voru eftir og það var hinn ungi Mirza Hasecic sem jafnaði síðan í lokin.
Í framlengingunni tryggði Alti Haraldsson síðan sigurinn seinni hálfleik með frábæru marki.
Góður sigur og flott að fara í pottinn þegar dregið verður í 32.liða úrslit.
Næsti leikur Sindra verður á móti Gróttu á Seltjarnarnesi laugardaginn 17.maí kl 14.00